C3AFA HK 2018主舞台入場券22/1起官網登記

「C3AFA HK 2018」主舞台節目已經全部公佈晒喇!動漫迷係咪好期待入場欣賞嘉賓嘅精彩演出呢?今年嘅主舞台節目依舊免費入場,動漫迷只要喺1月22日起到官方網站登記就得喇!請留意返,唔同日期嘅表演,登記日期亦有分別;門券數量有限,額滿即止。

《機動戰士高達 00》聲優C3AFA主舞台送上Special Talk

《機動戰士高達 00》嘅兩位人氣聲優吉野裕行及神谷浩史,將於C3AFA HK主舞台登場,特別為Fans送上Special Talk!一Click即睇節目詳情!

《Ensemble Stars!》舞台劇演員矚目現身C3AFA主舞台

大熱手機遊戲《Ensemble Stars!》改編而成嘅2.5次元舞台劇作品,喺亞洲各地都相當具人氣,成為目前最矚目嘅舞台劇作品之一。最新作品更喺今年1月上演,當中4位演員將現身C3AFA主舞台同Fans見面!一Click即睇節目詳情!

SKE48強勢登陸C3AFA主舞台

人氣女團SKE48六位成員:松井珠理奈、一色嶺奈、井上瑠夏、松本慈子、江籠裕奈、熊崎晴香,將駕臨C3AFA主舞台為大家送上勁歌熱舞!一Click即睇節目詳情!

「C3AFA HONG KONG 2018」驚喜亮點多 升級主舞台節目全面公佈

「C3AFA HK 2018發佈會」今日剛剛已經順利舉行,喺度再次多謝到場支持嘅每一位朋友!主辦單位「創通」同「SOZO」嘅代表及嘉賓簡淑兒,喺會上向大家介紹咗本屆展覽嘅一系列亮點,包括參展商、主舞台節目同動漫音樂盛事「I LOVE ANISONG」等等。今年嘅參展陣容一貫強勁,雲集多個極受歡迎嘅本地同日本參展商,絕對會為動漫迷帶來驚喜!至於主舞台節目更加係全面升級,除咗之前公佈過嘅節目,會上亦揭曉咗3個令人翹首以待嘅精彩節目,包括:
-       2月9日嘅「KYORAKU Presents『SKE48』Special Stage」,到時日本女團SKE48六位成員就會強勢登陸主舞台為大家送上勁歌熱舞;
-       同日亦有熱爆嘅《Ensemble Stars!》2.5次元舞台劇演員矚目現身「『Ensemble Stars! On Stage』Special Stage」;
-       而喺2月11日,《機動戰士高達 00》嘅兩位人氣聲優特別為Fans送上「『MOBILE SUIT GUNDAM 00』TALK STAGE in C3AFA HONG KONG 2018」!
更新嘅節目詳情及主舞台入場登記安排將會陸續公佈,請大家繼續留意官網及FB專頁!



「C3AFA HK 2018發佈會」最新情報解禁!

「C3AFA HK 2018」嘅籌備工作已進入最後階段,本屆展覽嘅精彩內容真係數唔完!如果你都想得到第一手最新消息,今個星期六(1月20日)下午 2點半,就記得嚟九龍灣MCL德福戲院舉行嘅「C3AFA HK 2018發佈會」喇!到時主辦單位「株式会社創通(SOTSU)」同「SOZO Pte. Ltd.」嘅兩位代表仲會遠道由日本和星加坡嚟到現場同大家介紹今屆展覽嘅亮點,而藝人簡淑兒(Jessica)亦會擔任嘉賓,為大家揭曉最新情報,歡迎各位動漫迷到場支持!星期六見!

熱播動畫《黑色五葉草》新晉聲優首次登上C3AFA主舞台

動畫《黑色五葉草》嘅兩位人氣聲優:梶原岳人(聲演亞斯塔)同優木加奈(聲演諾艾兒‧西爾法),將首次登上C3AFA HK主舞台!一Click即睇節目詳情!

睇定C3AFA主舞台節目登記詳情及條款 撲飛快人一步!

C3AFA主舞台節目嘅嘉賓每年都好強勁,所以佢哋嘅精彩演出極受動漫迷歡迎。亦正因為咁,完全免費嘅主舞台入場券往往都好快額滿。為咗令動漫迷更加清楚登記入場券嘅詳情同條款,C3AFA HK 2018行政委員會而家已經提前將有關資料上載到官方網頁。各位動漫迷記得喺撲飛前細閱,做好兩手準備,咁到時撲飛就可以快人一步啦!大家快D Click入去了解詳情啦﹗


主舞台節目登記日期和時間將於稍後公佈!

「C3AFA HK 2018 Cosplay大激鬥」入圍名單公佈!

世界權威Cosplay比賽「World Cosplay Summit」(WCS)嘅香港區預選賽「C3AFA HK 2018 Cosplay大激鬥」,最後8強入圍隊伍已經出爐!記得喺2月10號(星期六)嚟主舞台支持佢哋喇!

為咗推動cosplay文化,動漫迷唔使預先上網登記,都可以到主舞台欣賞呢個比賽(座位有限,先到先得);而所有cosplayers亦如往年一樣,可以免費入場!Cosplayers免費入場安排將於稍後公佈! 一Click即睇決賽名單!

《動物朋友》PPP聲優C3AFA主舞台同Fans開心互動

《動物朋友》企鵝偶像組「PPP」嘅其中3位人氣聲優:根本流風、田村響華及築田行子,將會喺C3AFA HK主舞台,同Fans近距離接觸!一Click即睇節目詳情!

LOST SONG》動漫歌姬唱熱C3AFA主舞台

原創動畫《LOST SONG》即將首播!聲演女主角嘅人氣動漫歌姬鈴木このみ,將會帶嚟動畫嘅最新情報,更加會唱熱C3AFA主舞台!一Click即睇節目詳情!

怪獸娘再次登陸香港 超人捷德激戰貝利亞!

今年嘅Ultraman Stage除咗有《怪獸娘》動畫聲優飯田里穂、湯浅かえで大唱動畫歌曲外,仲有最新嘅超人捷德登場激戰貝利亞!一Click即睇節目詳情!

《天使的3P!》靚聲組合唱爆C3AFA主舞台

來自動畫《天使的3P!》嘅組合「Baby's breath」,將會喺C3AFA Hong Kong主舞台大唱連串動畫中歌曲!「Baby's breath」歌迷一定唔可以錯過!一Click即睇節目詳情!

Producer福音! THE IDOLM@STER閃耀C3AFA主舞台

大熱偶像育成遊戲《THE IDOLM@STER》嘅765 MILLIONSTARS又嚟香港登台喇!四位成員:淺倉杏美(聲演萩原雪歩)、下田麻美(聲演雙海亞美・真美)、諏訪彩花(聲演德川まつり)、山崎遙(聲演春日未來)將會喺C3AFA HK 2018主舞台為大家帶嚟最賞心悅目嘅演出!各位Producer記得嚟監場喇!一Click即睇節目詳情!

大熱動畫《不起眼女主角培育法》聲優及製作人  C3AFA主舞台大談幕後趣事

喺人氣動畫《不起眼女主角培育法》中聲演女主角加藤惠嘅安野希世乃及Aniplex 嘅製作人神宮司學將會登上C3AFA HK主舞台,同動漫迷近距離交流。一Click即睇節目詳情!

 

"Saekano Flat" Special Stage in Hong Kong 問卷及問答環節︰

為了解大家喜愛《不起眼女主角培育法》的原因,請協助完成以下問卷。你亦可向兩位嘉賓:聲優安野希世乃及製作人神宮司學提問。他們當天有機會在主舞台上回答你的問題喔!

截止日期︰2018年1月8日

問卷︰https://goo.gl/4vqSzQ

人氣聲優組合首次熱爆C3AFA主舞台

來自男聲優唱片品牌「Kiramune」,同時以組合「Uncle Bomb」名義活躍的兩位人氣成員浪川大輔及吉野裕行,將首次蒞臨 C3AFA HONG KONG,為大家送上精彩嘅TALK & LIVE演出!Fans敬請期待佢哋熱爆舞台!一Click即睇節目詳情!

小畫家拎起畫筆  參與年度動漫盛事 
「我最喜愛的動漫角色」兒童繪畫大募集

《C3日本動玩博覽》由2018年起將改稱為《C3AFA HONG KONG》,並於2018年2月9至11日,在香港會議展覽中心同大家見面。每個小朋友心目中都一定會有一個或以上自己最喜愛嘅動漫角色,希望自己同佢做朋友、變成佢又或者擁有佢哋啦!專為11歲以下小朋友而設嘅“兒童繪畫大募集” 將會繼續舉行,仲設有金獎一名及銀獎兩名,得獎者分別可獲得價值港幣2,000元及1,000元嘅玩具反斗城禮券;此外所有入圍嘅參加者都可獲贈精美紀念品乙份及獎狀;首100名參加者更可獲入場門券乙張,家長可以陪同小朋友一齊免費入場,欣賞喺“C3AFA HONG KONG 2018” 場內展出嘅入圍作品。快啲鼓勵你身邊嘅小畫家發揮藝術天份,畫出佢哋心目中「我最喜愛的動漫角色*」啦!參加詳情請參閱“兒童繪畫大募集詳情”。1月26日截止報名。

*任何國家的動畫、漫畫及電玩遊戲中的角色

香港Cosplay界年度盛事  把握進軍WCS機會!

2018年2月9 - 11日,係《C3AFA Hong Kong 2018》舉行嘅大日子,亦係各位Cosplayer一年一度喺「C3AFA HK 2018 Cosplay大激鬥」一展身手嘅時間。作為「World Cosplay Summit」(WCS) 香港預選賽區,勝出隊伍除可代表香港與來自世界各地34個國家嘅頂尖Cosplay隊伍喺名古屋切磋交流之外;仲可以體驗一次由WCS安排嘅難忘又珍貴嘅Cosplay之旅。如果你都想有機會參與呢項年度國際盛事嘅話,快啲Download張表格嚟報名參加啦!

C3》與《AFA》兩大活動品牌聯乘 

C3AFA HONG KONG》明年2月會展見

《C3日本動玩博覽》由2018年起將改稱為《C3AFA HONG KONG》,並於2018年2月9至11日,在香港會議展覽中心舉行。 

《C3》是由日本株式會社創通(SOTSU)於東京、香港、北京等地舉辦,以日本動漫人物角色為主題的盛事;而《AFA》(Anime Festival Asia)則是由SOZO於新加坡、耶加達、曼谷所舉辦的日本潮流文化活動。 

SOTSU與SOZO為兩大日本流行文化活動的主辦機構,今次合作的目標,是把各種受歡迎的日本流行文化產物,如:動漫、人物角色、漫畫、遊戲、音樂、小說等,帶到亞洲不同地方,令《C3AFA》成為亞洲區內最具代表性的大型日本文化盛會。

由《C3》與《AFA》兩大活動品牌結合而成的新活動《C3AFA》,將會把更多日本的精彩內容帶來香港,呈獻給喜歡日本文化的人士。敬請密切留意我們日後公佈的最新消息。


主辦機構:

籌辦機構: 後援:
 
© C3AFA HK 2018 行政委員會 All rights reserved.