感謝各位蒞臨「C3日本動玩博覽2017」

過去3日好多朋友蒞臨「C3日本動玩博覽2017」,非常感謝大家支持!今年再次睇到大家開心嘅笑容,主辦單位、參展商、表演嘉賓同工作人員都十分高興,特別係見到舊年都有嚟支持我哋嘅C3迷。另外,大家亦都非常合作同遵守大會規則,令整個活動得以順利進行,再一次感謝大家。好快我哋就會朝住「C3日本動玩博覽2018」進發,主辦方定會汲取經驗,集思廣益,不斷改進,準備更多精彩嘅「Characters、Culture、Contents」,希望畀到大家更難忘嘅感動同歡樂,敬請期待!約定你下年會展見啦!衷心感謝大家支持!

主舞台速報:「C3 in HK 2017 Cosplay大激鬥」比賽結果!

今日喺C3主舞台舉行嘅「C3 in HK 2017 Cosplay大激鬥」真係精彩絕倫,可以見到我哋香港嘅cosplayer都keep住有進步。經過專業評審嘅評分後,最後嘅冠軍隊伍係葉俊延、鄭莃紋,亞軍係何仲怡、葉楚敏,季軍係林堯懿、李灝軒。恭喜晒得獎隊伍!冠軍隊伍將會代表香港,出戰暑假喺日本名古屋舉行嘅世界cosplay大賽「World Cosplay Summit」總決賽,與三十多個不同國家隊伍同場交流,喺度預祝佢哋再下一城!喺度再一次恭喜每位得獎者!明年再見!

Aniplex攤位活動有變!!!

Aniplex攤位活動有變,詳情請參閲參展商詳細介紹頁面。URL: http://www.c3hk.com.hk/revamp/2017/product.php?id=270

C3又有好消息俾動漫迷  參展商特備節目你點可以錯過?

今屆C3唔止主舞台有精彩節目睇,部份參展商,好似:SUNSHINE SAKAE、FIELDS CORPORATION、SEGA Games Co., Ltd & Sammy Corporation、SUNRISE INC./BANDAI NAMCO Pictures Inc.同埋Aniplex Inc.;會喺自己攤位安排特備節目,例如:簽名會、講座、由嘉賓親自派發紀念品等等,有關嘉賓和節目時間等詳情,請CLICK入"參展商資料"查閱。

想更快入到C3會場 去指定預售地點買定飛 啦!

仲有3日,“C3日本動玩博覽2017”就會一連三日,每日中午12點起喺會展舉行。今年嘅參展商同動漫精品當然都會令動漫迷充滿驚喜啦!想快啲入場搜購喜愛嘅產品,就記得去以下指定預售地點,包括:全線OK便利店、指定嘅7-11便利店、MCL院線、動漫世界同Namco買定預售票喇。預售票價只需要$30,而展館現場門票售價係$35!根據以往多屆嘅經驗,由於星期六及日通常人流較多,要搶購心水動漫精品嘅粉絲,最好梗係預早喺星期五入場啦!

預留時間換領主舞台入場券  睇表演更輕鬆

需要換領主舞台入場券嘅動漫迷,請最遲喺主舞台表演節目開始前1小時,親身(或登記時已註明嘅同行人士)前往場內主舞台側嘅專櫃,出示列印好嘅確認通知書同香港身份證(或護照),一次過換領當日舞台表演嘅所有入場券。預留充裕時間換領入場券,就可以輕輕鬆鬆入場睇SHOW 啦!換領時,工作人員會喺換領主舞台入場券人士手上蓋印。屆時必須展示有效嘅入場券及蓋印先至可以入場。請注意,換領時如無法出示列印好嘅確認通知書同香港身份證(或護照),恕不招待。更多有關詳情,請參閱主舞台入場券登記細則及條款。

自備購物袋 做個環保動漫迷

“C3日本動玩博覽2017”係一個動漫精品展覽,會場將會售賣大量動玩商品。香港政府已於2015年4月1日起全面推行「膠袋收費」,所以C3參展商將會按照規例如實收費。若顧客索取塑膠購物袋,店主會每個最少收取港幣5毫;請香港或海外參觀人士理解。另外,為響應環保,大會呼籲大家盡量自備購物袋到C3會場搶購心頭好,一齊做個環保嘅動漫迷!

全力支持cosplay文化 Cosplayers一連3日免費入場

C3一直致力推廣cosplay文化,所有cosplayers只要符合大會嘅要求,就可以一連3日免費入場!會場內仲特別設立兩個不同位置的Cosplay Photo Area,俾cosplayers自由使用,等各位喜愛cosplay文化嘅朋友有專用嘅影相空間。如果你都想嚟“C3日本動玩博覽2017”一試自己嘅cosplay身手,同埋參與支持及傳揚cosplay文化,就請注意下列事項喇!

Cosplayer免費入場登記處設於Hall 3C 入口

Cosplayer更衣室設於Hall 3E南大堂

Cosplayer免費入場時間係每日下午1點開始 (一般持票人士於中午12時即可入場)。請CLICK入官網www.c3hk.com.hk 參閱詳細入場規則

溫馨提示:由於星期六及日通常人流較多,令會場非常擠擁,如果想有多啲空間影靚相嘅話,最好梗係星期五入場啦!

入場前必睇!參展商簡介及商品情報已發佈

「C3日本動玩博覽2017」嘅參展商名單經已公佈,今年再有新參展商加盟,動玩精品一定更新更齊備,2月10-12日記得帶定利是錢嚟會展掃貨喇!一Click即睇參展商簡介及商品情報!

農曆新年去Namco玩 送你C3HK門票優惠!

動漫迷好消息!玩機之餘,仲可以免費參與年度動漫盛事“C3日本動玩博覽2017”!農曆新年期間,去Namco 旺角店或愉景新城店一次購滿港幣$200電子遊戲金幣,即可免費獲贈“C3日本動玩博覽2017”門票乙張(只限2月10日使用)!數量有限,先到先得,送完即止。詳情請瀏覽www.facebook.com/NamcoWonderPark/

旺角店地址 - 九龍亞皆老街8號朗豪坊商場9樓3及5-11號舖

愉景新城店地址 - 新界荃灣青山公路荃灣段398號愉景新城2樓2071號舖

The ONE邀請你參與年度動漫盛事  送你“C3日本動玩博覽2017”門票

由1月18日起,喺The ONE任何商戶以電子貨幣消費滿HK$100,即可免費換領“C3日本動玩博覽2017”門票兩張。 名額有限,先到先得,換完即止。身為動漫迷嘅你,梗係要快啲去The ONE行街shopping攞埋C3入場門票嚟參予呢個令人興奮嘅動漫盛事啦!換領詳情及細則,請參閱www.facebook.com/TheONE

*門票於1月18日起在香港各大指定地點發售,預售票價$30。

和樂器樂團主唱  鈴華優子 勁歌迴響C3主舞台

和樂器樂團主唱鈴華優子,曾為PlayStation®4/PlayStation®Vita 遊戲「SD高達 G世紀 創世」獻唱主題曲同片尾曲,又為動畫「機動戦士高達鐵血的孤兒」獻唱過插曲。今次佢將以個人歌手身份嚟到 C3HK主舞台舉辦小型演唱會!各位Fans萬勿錯過!一CLICK即睇節目詳情!

《加速世界》《刀劍神域》動漫歌手矚目登場

劇場版《刀劍神域:序列爭戰》即將上畫,PS4、PS VITA遊戲「加速世界 VS 刀劍神域」亦配合開售。今次為咗紀念呢款遊戲開售,仲請到演唱遊戲主題歌嘅KOTOKO同春奈露娜,向Fans送上精彩嘅Special Live!一CLICK即睇節目詳情!

C3 in HK 2017 Cosplay 大激鬥入圍名單公佈!

世界權威Cosplay比賽“World Cosplay Summit”(WCS)嘅香港區預選賽“C3 in HK 2017 Cosplay 大激鬥”,最後8強入圍隊伍已經出爐!記得喺2月11號(星期六)嚟主舞台支持佢哋喇! 

為咗推動cosplay文化,動漫迷唔使預先上網登記,都可以到主舞台欣賞呢個比賽 (座位有限,先到先得);而所有cosplayers亦如往年一樣,可以免費入場!請注意:今年cosplayers嘅免費入場時間係每日下午1點開始。請CLICK入官網www.c3hk.com.hk

C3HK2017門票預售及主舞台門券登記

「C3日本動玩博覽2017」門票, 1月18日起可以於全線OK便利店、指定7-11便利店、MCL院線、動漫世界及Namco購買,預售價只需$30(展館現場票價$35)!今年的參展商及動漫精品比往年更多更有驚喜,想暢順入場,第一時間搶購心頭好,就要趁早買定飛喇! 

另外,想入主舞台睇表演的動漫迷請注意,今年主舞台表演門券繼續免費入場,請於1月18日開始,按下列時間於官方網站登記即可!請留意,不同日期的表演,入場券的登記日期亦有分別;節目演出日期,請參閱官網“節目詳情”內的“大會舞台時間表”。主舞台門券數量有限,額滿即止。



C3HK2017發佈會發放最新消息

參展商及主舞台節目全面公開

每年C3都會為動漫迷帶來驚喜,今年2月10-12日舉行嘅“C3日本動玩博覽2017”亦都唔例外!今日C3發佈會喺The ONE商場舉行,透露咗多個有關本屆參展商陣容及主舞台表演節目嘅最新消息。參展商方面,首次參展嘅有ACG Fans非常熟悉嘅影片分享平台「bilibili」;提供cosplay攝影必需商品嘅「Canon」;仲有日本著名模型製造商「KAIYODO」;當然更加唔少得大家都非常熟悉嘅強勁參展商陣容 ,為C3注入更多全新內容。 

至於舞台表演方面,除咗之前係網上已經公佈嘅,今日發佈會上再帶來兩個令眾動漫迷興奮嘅舞台表演。包括:

2月11日由和樂器樂團主唱鈴華優子演出嘅「Yuko Suzuhana SPECIAL LIVE in C3 Hong Kong」,同日更有「Accel World VS Sword Art Online" Special Live in C3 HongKong」,請嚟重量級嘉賓演唱好受大家歡迎嘅《加速世界》同《刀劍神域》(SAO)動漫歌曲。至於呢個舞台會有邊位神秘嘉賓?大家記住留意官網,更新嘅節目詳情將會陸續公佈。1月18日就可以去指定售票點買C3入場門票喇,同時亦可上官網登記主舞台入場券!

極度興奮!SKE48 再度閃耀C3HK主舞台

日本大熱女子偶像團體SKE48嘅8位成員:大矢真那、石田安奈、小畑優奈、鎌田菜月、木本花音、熊崎晴香、菅原茉椰、高寺沙菜,將駕臨C3HK主舞台為大家勁歌熱舞!一Click即睇節目詳情!

Chain Chronicle》矚目歌手、聲優 C3主舞台與機迷見面

由SEGA開發嘅RPG遊戲「Chain Chronicle」極受歡迎,今年C3HK不但請到分別喺手機遊戲「Chain Chronicle 3」同電視動畫「Chain Chronicle ~赫西塔斯之閃光~」中演出嘅聲優柳田淳一、高木友梨香,為大家介紹「Chain Chronicle」嘅魅力,仲請到演唱呢兩部作品嘅人氣歌手nano來港獻唱!一Click即睇節目詳情!

傳奇系列》魅力聲優初登C3HK主舞台

角色扮演遊戲《傳奇系列》,世界總銷量超過1600萬部!呢部作品嘅發展不只限於遊戲,更曾多次舉辦見面會,又被改編成電視動畫,都大獲好評。今次C3主舞台特意請嚟《傳奇系列》魅力聲優,到場同Fans交流!一Click即睇節目詳情!

勁爆超人 + 甜美聲優   熱爆C3主舞台!

今年 C3主舞台嘅超人騷非常精彩,除咗邀得動畫《怪獸女孩》中嘅兩位聲優飯田里穗同遠藤祐里香,為大家獻上special live,當然仲有最新最勁嘅超人Orb 出場,喺香港嘅舞台展開一系列精彩激鬥!一Click即睇節目詳情!

以聲優、演員、歌手多重身份活躍 日本人氣藝人飯田里穗初登C3主舞台

飯田里穗以聲優、演員、歌手身分多方面活躍於日本演藝界。今次首次登上 C3HK,精彩表演既有唱歌又有talk show,勢將炒熱場內氣氛!一Click即睇節目詳情!

動漫迷熱切期待!  THE IDOLM@STER駕臨C3HK 2017 主舞台

大熱偶像育成遊戲《IDOLM@STER》嘅765 MILLIONSTARS 五名成員,中村繪里子(聲演天海春香)、仁後真耶子(聲演高槻彌生)、田所梓(聲演最上靜香)、伊藤美來(聲演七尾百合子)、渡部優衣(聲演橫山奈緒),將會來到 C3HK 2017 主舞台為大家表演!各位Producer記得要捧場喇!一Click即睇節目詳情。

活躍藝壇聲優兼歌手 動感飛躍C3主舞台

今年請來人氣聲優、歌手田所梓(田所あずさ)登上C3主舞台!她曾聲演多部電視動畫及主唱多首主題曲或片尾曲。大家敬請期待躍動感十足嘅演唱!一Click即睇節目詳情!

《機動戰士高達:鐵血的孤兒》人氣聲優亮相C3與高達迷見面

日本熱播電視動畫《機動戰士高達:鐵血的孤兒(Mobile Suit Gundam Iron-Blooded Orphans)》中嘅2位人氣聲優,金元壽子同村田太志,將會齊齊亮相主舞台,同各位高達迷作近距離交流,分享最新情報!一Click即睇節目詳情!

人氣歌手nano首次現身C3主舞台為動漫迷獻唱

人氣歌手nano,唱過多首動畫主題曲,深得世界各地嘅樂迷同動畫粉絲支持。今次佢專程嚟到C3HK 2017主舞台,為香港粉絲送上多首熱門歌曲,一Click即睇節目詳情!

Super Girls擔任發佈會特別嘉賓
“C3日本動玩博覽2017”最新精彩內容曝光

“C3日本動玩博覽2017”要等到2月10至12日先至喺香港會議展覽中心舉行,動漫迷最關注嘅參展商名單同主舞台表演嘉賓陣容,近日已經喺網上陸續公佈。不過各位C3擁躉如果想第一時間知道更多新情報,就要留意喺1月12日(星期四)下午2時正,假座尖沙咀The ONE商場16樓The AIR舉行“C3日本動玩博覽2017發佈會”喇。當日邀請咗周奕瑋Jarvis擔任大會司儀,除咗日本主辦單位 “株式会社創通(SOTSU)” 代表田村烈先生出席之外,香港人氣女團Super Girls將會擔任特別嘉賓,率先同大家分享本屆博覽嘅各大亮點同最新資訊;部份參展商更會嚟到現場優先展示佢哋嘅動漫產品,歡迎各位C3 Fans到場參與!大家記得到時嚟支持我哋喇!

歡迎小朋友一齊參與年度動漫盛事
“我最喜愛的動漫角色”兒童繪畫大募集

隨著一年一度的“C3日本動玩博覽2017”降臨;專為11歲以下小朋友而設的“兒童繪畫大募集” 將繼續舉行,讓小畫家有發揮藝術天份的機會。今年設有金獎一名及銀獎兩名,得獎者分別可獲得價值港幣2,000元及1,000元之玩具反斗城禮券;此外所有入圍的參加者都可獲贈精美紀念品乙份及獎狀;更可獲入場門券乙張,家長可以陪同小朋友一齊免費入場,欣賞於“C3日本動玩博覽2017” 場內展出的入圍作品。立即鼓勵你身邊的小朋友拎起畫筆,畫出他們心目中“我最喜愛的動漫角色*”啦!請即瀏覽參加詳情,1月26日截止報名。

*任何國家的動畫、漫畫及電玩遊戲中的角色

想衝出香港,與世界各地Cosplay達人同台切磋?機會就在面前!

2017年2月10-12日就是「C3日本動玩博覽2017」在會展舉行的大日子。屆時,一年一度的「C3 in HK 2017 Cosplay大激鬥」亦會同場舉行。今年勝出的冠軍隊伍,將會代表香港參與世界最權威的日本Cosplay比賽「World Cosplay Summit」總決賽,與世界各地超過30個國家的cosplay 冠軍隊伍切磋交流,獲得一次非常難忘和寶貴的經驗。。如果你也想得到參與這項國際盛事的機會,請立即報名參加「C3 in HK 2017 Cosplay大激鬥」!一CLICK便可參閱詳情。

C3日本動玩博覽

主辦機構:

籌辦機構: 後援:
 
© C3 in Hong Kong 2017 行政委員会. All rights reserved.